КОНФЕРЕНСИЯИ ИЛМӢ-НАЗАРИЯВӢ БАХШИДА БА 25-СОЛАГИИ ҲХДТ ДАР ШАҲРИ КӮЛОБ

КӮЛОБ. Дар толори Кумитаи иҷроияи ҲХДТ дар шаҳри Кӯлоб Конференсия илмӣ-назариявӣ таҳти унвони “25-соли талошҳо баҳри саодати халқ”  бахшида ба 25-умин солгарди таъсисёбии Ҳизби Халқии Демократии Тоҷикистон бо иштироки роҳбарияти Кумитаи иҷроия ва дигар шахсони даъватӣ баргузор гардид.

Сараввал  роҳбарияти  Кумитаи иҷроия ҳозиринро ба 25-умин солгарди таъсисёбии Ҳизби Халқии Демократии Тоҷикистон табрик намуда, қайд кард, ки Ҳизби Халқии Демократии Тоҷикистон зодаи истиқлоли кишвар буда, аз умқи дили мардум реша мегирад ва он ҳимояи манфиатҳои халқро ҳадафи асосии худ қарор дода, барои саодати халқ ва ободии Ватан саъю талош меварзад. Ин ҳадафҳои самимонаи Пешвои миллат, Раиси муаззами ҲХДТ муҳтарам Эмомалӣ Раҳмон бори дигар ҳуввият ва рисолати созандаи ҲХДТ-ро муайян ва мушаххас намуда, ҳамзамон меъёри баҳогузории фаъолияти ҳизб дар 25-соли охир мебошад.

Дар идома, Исмоилзода Саидмурод, Аъзамов Хурсанд, Зардиев Абдуҷаббор ва Валиева Саъбагул оид ба  таърихи таъсисёбии ҲХДТ ва кору фаолияти худ ба ҳайси раиси Кумитаи иҷроияи ҲХДТ дар шаҳри Кӯлоб ибрози андеша карда, изҳор доштанд, ки Ҳизби Халқии Демократии Тоҷикистон ба сифати ҳизби фаъолу бонуфуз дар байни мардум мақому манзалат ва обрӯи калонро касб намудааст. Ҳизб чунин афзалиятро тавассути барномаҳои ҳадафманду дардхӯри ҷомеа доштааш соҳиб гардидааст.

Дар охир собиқ раисони Кумитаи иҷроияи ҲХДТ дар шаҳри Кӯлоб барои саҳми арзанда ва меҳнати пурмасъулашон бо Сипосномаи Кумитаи иҷроияи ҲХДТ дар шаҳри Кӯлоб сарфароз гардонида шуданд.

Ҳамзамон, ба ғолибони озмуни “Шоҳмот” ва “Шашка” миёни наврасону ҷавонон, ки ба истиқболи 25-солагии таъсисёбии Ҳизби Халқии Демократии Тоҷикистон дар шаҳри Кӯлоб доир гардида буд, Дипломҳои Кумитаи иҷроияи ҲХДТ дар шаҳри Кӯлоб тақдим гардиданд.