ШАҲРИТУЗ. Дар доираи Соли баланд бардоштани масъулияти шаҳрвандӣ. Дар ташкилоти ибтидоии «ВИЧ/СПИД»-и ноҳияи Шаҳритуз баҳри баланд бардоштани масъулияти шаҳвандӣ Аксияи ҳизбӣ таҳти унвони «Якҷоя ҳал мекунем!» баргузор гардида, дар он ба 1 оилаи ниёзманди ҷомеа кумаки молиявӣ расонида шуд. Аз иқдоми пешгирифтаи ҳизбиён оилаи ниёзманд руҳбаланд шуда, миннатдории хешро аз сиёсати инсондӯстонаи Раиси муаззами ҲХДТ муҳтарам Эмомалӣ Раҳмон баён доштанд.
Сипас, бо иштироки намояндагони ҳизбӣ дар ташкилоти ибтидоии мазкур вохӯрӣ доир карда шуда, масъулин дар бораи самтҳои афзалиятноки фаъолияти ҲХДТ, бахусус бемориҳои сироятӣ, ки имрӯз ҷомеаро ба ташвиш овардааст, андешаронӣ намуданд ва дар идома аз кормандони соҳа ҷиҳати дар байни омма бештар ба роҳ мондани корҳои тарғиботӣ даъват ба амал оварданд.
