КӮЛОБ. Дар доираи Соли баланд бардоштани масъулияти шаҳрвандӣ. Дар ташкилоти ибтидоии “Лола” вобаста ба самтҳои афзалиятноки фаъолияти ҲХДТ мулоқот доир карда шуд.
Нахуст, дар мулоқот қайд гардид, ки асл ва асоси пирӯзиҳои таърихии муҳтарам Эмомалӣ Раҳмон ҳадафҳои олии миллӣ ва барномаҳои дақиқу созандаи ӯст, ки бо нерӯву иродаи бузурги ватанхоҳию ватандорӣ дар сатҳи сиёсати давлатӣ барои эҳёи иқтидори маънавии тоҷикон ҳама восита ва заминаҳоро муҳайё сохт. Ҳамин сиёсати хирадмандона буд, ки Тоҷикистонро аз буҳрони амиқи сиёсӣ берун овард.
Бо ташаббус ва дастгириҳои Сарвари давлат садҳо иншоотҳо ва махсусан, иншооти бузурги азими аср ба истифода додани ду агрегати НБО “Роғун” ва ё пешниҳоди Пешвои миллат оид ба Даҳсолаи байналмилалии амал “Об барои рушди устувор 2018-2028” пазуруфта шудан аз ҷониби ҷомеаи башарӣ дида мешавад, ки нуфуз ва манзалати мардуми тоҷикро дар арсаи ҷаҳонӣ боз ҳам баланд бардошт.
