ПАНҶ. Дар доираи Соли баланд бардоштани масъулияти шаҳрвандӣ. Чанде пеш дар ташкилоти ибтидоии “Пешқадам 1”-и ҷамоати деҳоти Намуна бо ташаббуси Кумитаи иҷроияи ҲХДТ дар ноҳияи Панҷ таҳти унвони «Мубориза зидди коррупсия – муборизаи дастаҷаъмист» мулоқот роҳандозӣ гардид.
Масъулин дар суҳбат оид ба самтҳои афзалиятноки фаъолияти ҳизб, аз ҷумла дар бораи омилҳои нангин ва хатарноки ҷомеа - коррупсия андешаронӣ намуда, гуфтанд, ки коррупсия- падидаи номатлуби замон унвон гардида, сокинони кишвар хатари онро ба амнияту Истиқлолияти давлатӣ бештар дарк менамоянд.
Зимнан қайд шуд, ки мубориза зидди коррупсия дастаҷаъмона мебошад. Ба вуҷуд овардани ҳисси муқовимат ба ин амали нанговар шарти аввалин буда, дар ин замина мафкураи зиддикоррупсионии байни аҳолӣ ташаккул меёбад.
