НОРАК. Дар доираи Соли баланд бардоштани масъулияти шаҳрвандӣ. Дар ташкилоти ибтидоии ҳизбии “Наизирак”-и шаҳри Норак бахшида ба 25-солагии таъсисёбии ҲХДТ хониши сиёсӣ гузаронида шуд.
Дар вохӯрӣ намояндагони ҳизбӣ иштирок намуда, иброз доштанд, ки Ҳизби Халқии Демократии Тоҷикистон таҳти роҳбарии Раиси муаззамаш муҳтарам Эмомалӣ Раҳмон марҳилаи сарнавиштсози таърихиро сарбалондона тай намуд ва имрӯз ба як ҳизби созанда ва муттаҳидсози ҷомеаи кишвар табдил ёфтааст.
ҲХДТ тартиб ва шеваи фаъолияти комилан ба худ хосро дорад, ки дар миёни ҷомеа ба унвони бонуфузтарин ҳизби сиёсӣ шинохта шудааст.
Аъзои Ҳизби Халқии Демократии Тоҷикистон дар тӯли фаъолияти 25 солааш моҳияти равандҳои сиёсии дохиливу хориҷӣ, мақсади неруҳои ғаразноки берунӣ ва ҳадафи нақшаву барномаҳои давлатиро мустақилона дарк кардаанд.
