НОРАК. Дар доираи Соли баланд бардоштани масъулияти шаҳрвандӣ. Дар ташкилоти ибтидоии «Шифокорон»-и шаҳри Норак Конференсияи ҳизбӣ бахшида ба Рӯзи умумиҷаҳонии мубориза бар зидди бемории СПИД бо иштироки намояндагон аз ташкилотҳои ибтидоӣ баргузор гардида, дар он намояндагони ҳизбӣ дар бораи ин вабои аср баромадҳо намуда, ба иштирокдорон ҷиҳати пешгирӣ аз ин бемории сироятӣ маслиҳатҳои муфид доданд.
Сипас, аз ҷониби донишҷӯёни ташкилоти ибтидоии «Донишомӯзон» намоишҳо оид ба мубориза бар зидди бемории сироятӣ ва гирифторшавии ҷавонон ба он намоиш дода шуд.
Дар охир аз ҷониби ташкилкунандагони чорабинӣ ба ҷамъомадагон маводҳои таблиғотӣ дар бораи пешгирӣ аз бемории ВИЧ/СПИД ва роҳҳои гузариши он дастрас карда шуд.
