ШАҲРИТУЗ. Дар доираи Соли баланд бардоштани масъулияти шаҳрвандӣ. Дар ташкилоти ибтидоии “Кумаки иҷтимоӣ”-и ноҳияи Шаҳритуз хониши сиёсӣ бо иштироки намояндагони ҳизбӣ баргузор гардид.
Дар суҳбат масъулини ҳизбӣ дар бораи самтҳои афзалиятноки фаъолияти ҲХДТ, аз ҷумла татбиқи Аксияи ҳизбии «Якҷоя ҳал мекунем!», дастгирии оилаҳои ниёзманд ба хотири паст кардани сатҳи камбизоатӣ ва баланд бардоштани некӯаҳволии мардум, ҷалби ҷавонон ба хизмати ҳарбӣ, омодагии ҳамаҷониба ба маъракаҳои муҳими сиёсии дарпешистодаи интихоботи соли 2020 андешаронӣ карда,иброз доштанд, ки саҳм гузоштан дар пешрафту ободии Ватан, иштироки фаъолона дар маъракаҳои муҳими сиёсӣ қарзи шаҳрвандии ҳар яки мо мебошад.
Баъдан дар қисмати амалии Аксияи ҳизбӣ бо дастгирии ташкилоти ибтидоии мазкур ба 1 нафар маъюби гурӯҳи 1-ум кумаки молиявӣ расонида шуд.
