ФАРХОР. Дар доираи Соли баланд бардоштани масъулияти шаҳрвандӣ. Бо иштироки кормандони Кумитаи иҷроияи ҲХДТ дар ноҳияи Фархор дар ташкилоти ибтидоии «Золи зар» хониши сиёсӣ баргузор гардид.
Дар мулоқот намояндагони ҳизбӣ оид ба тарғиби урфу одат ва анъанаҳои неки мардумӣ дар байни аҳолӣ ибрози ақида намуда, қайд карданд, ки мо аъзои ҳизбро зарур аст дар роҳи тарғиби урфу одат ва анъанаҳои мардумӣ, ҷудо намудани онҳо аз хурофоту дигар амалҳои зарарнок ва дар роҳи тақвияти ваҳдату дӯстӣ ва ҳамрайъии ҳамватанон истифода бурдани онҳо пешқадам бошем. Ҷиҳати рушди ин анъанаҳо мо бояд ба анъанаҳои дигари неки ниёгонамон рӯ биёрем, ки яке аз онҳо эҳтироми калонсолон аз ҷониби ҷавонону наврасон мебошад.
