ҚУБОДИЁН. Дар доиари Соли баланд бардоштани масъулияти шаҳрвандӣ. Дар ташкилоти ибтидоии “Офтобак”-и ноҳияи Қубодиён хониши сиёсӣ дар мавзӯи “Барои давлат миллати солим беҳтарин неъмат аст!” доир карда шуд.
Дар вохӯрӣ намояндагони ҳизбӣ иштирок намуда, доир ба таълиму тарбияи кӯдакон бо ҳамбастагӣ бо кумитаи падару модарон, омӯзиши забонҳои хориҷӣ дар зиннаҳои аввали таҳсилот суҳбат намуданд.
Инчунин, дар идома дар бораи эълон гардидани солҳои 2019-2021–“Солҳои рушди деҳот, сайёҳӣ ва ҳунарҳои мардумӣ”, саноатикунонии босуръати кишвар ҳадафи чоруми миллӣ, имконияти амалишавии ҳадафҳои созанда дар сатҳи маҳал, пешгирии шомилшавии ҷавонон ба ҳизбу ҳаракатҳои террористиву экстремистӣ, ҳифзи дастовардҳои замони соҳибистиқлолии мамлакат, саҳмгузории дастаҷамъона дар корҳои созандагӣ, ободонӣ дар доираи Аксияи ҳизбии “Якҷоя ҳал мекунем!”, истиқболи сазовори 30-солагии Истиқлолияти давлатӣ суханронӣ карда, ҳамагон барои саҳм гузоштан дар корҳои созандагӣ ҳидоят гардиданд.
