ЁВОН. Дар доираи Соли баланд бардоштани масъулияти шаҳрвандӣ. Бо иштироки доираи васеъи ҷавонон бахшида ба Рӯзи Парчами давлатӣ дар муассисаи давлатии Литсейи касбӣ- техникии ноҳияи Ёвон бо иштироки кулли ҳунаромӯзон вохӯрӣ баргузор гардид.
Дар мулоқот аз ҷониби намояндагони Кумитаи иҷроияи ноҳиявии ҳизб роҷеъ ба арзишҳои миллӣ, Рӯзи Парчами давлатӣ, эҳтиром гузоштан ба арзишҳои башарӣ, эҳтироми падару модар, аҳамияти омӯзиши ҳунар, ҳаматарафа ва пурсамар истифода намудани вақт дар вақти таҳсил, эҳтироми омӯзгорон, тарбияи ҳарбӣ- ватандӯстӣ, пешгирӣ аз шомилшавии ҷавонон ба гурӯҳҳои ифротӣ андешаронӣ карда, таъкид намуданд,ки ободии Ватан ва осудагии миллат аз насли ояндасоз вобастагӣ дошта,ҷавононро лозим аст,бо истифода аз шароити мусоид ҷавобан ба ғамхориҳои бевоситаи Пешвои миллат муҳтарам Эмомалӣ Раҳмон бештар дониш андӯхта, дар пешрафту шукуфоии меҳан саҳми арзанда гузоранд.
