ПАНҶ. Дар доираи Соли баланд бардоштани масъулияти шаҳрвандӣ. Бо мақсади тарғиби ҳадафҳои созандаву бунёдкоронаи давлату Ҳукумати кишвар ва фаҳмондану шарҳи самтҳои афзалиятноки фаъолияти ҲХДТ дар ташкилоти ибтидоии «Ёзғанд»-и ноҳияи Панҷ вохӯрӣ бо фаъолон ва дигар сокинони маҳал доир гардид.
Намояндагони Кумитаи иҷроияи ҳизб оиди хавфу хатарҳои терроризм, экстримизм, пешгирии шомилшавии ҷавонон ба ҳизбу ҳаракатҳои дар Тоҷикистон фаъолияташон мамнуъ, гирифтани сади роҳи ҷинояткорӣ, тарбияи дурусти фарзанд, истифодаи дуруст аз технологияи муосир суханронӣ намуданд. Ҳамчунин қайд шуд, ки айни ҳол мардум дар саргаҳи маъракаи муҳими сиёсӣ-интихоботи вакилон ба Маҷлиси Олӣ ва маҷлисҳои маҳалӣ истодаанд, ба ин хотир лозим аст барои дар сатҳи дуруст гузаронидани интихобот зираку ҳушёр бошем.
