КӮШОНИЁН. Дар доираи Солибаланд бардоштани масъулияти шаҳрвандӣ. Намояндагони Кумитаи иҷроияи ҲХДТ дар ноҳияи Кӯшониён дар толори Кумитаи иҷроияи ноҳиявии ҳизб бо ҷавонон-аъзои ТҶҶ “Созандагони Ватан” вохӯрӣ баргузор намуданд.
Дар рафти вохӯрӣ масъулин дар бораи нақши Пешвои миллат, Раиси ҲХДТ муҳтарам Эмомалӣ Раҳмон дар бунёд ва таҳкими давлатдории навини тоҷикон суханронӣ намуданд.
Дар идома таъкид шуд, ки дастовардҳои нодири Тоҷикистон самараи фаъолияти пурмаҳсул ва заҳматҳои Президенти кишвар мебошад. Ояндаи миллату давлат аз таълиму тарбияи насли наврас ва ҷавонони кишвар вобаста буда, баланд бардоштани сатҳи сифати таълим ва беҳтар гардонидани шароити таҳсили хонандагон меҳвару ҷавҳари фаъолияти Ҳукумати кишвар ва Ҳизби Халқии Демократии Тоҷикистонро ташкил медиҳад.
