ҲАМАДОНӢ. Дар доираи Соли баланд бардоштани масъулияти шаҳрвандӣ. Дар толори филармонияи мардумии ба номи Одина Ҳошимови ноҳияи Мир Сайид Алии Ҳамадонӣ Конференсияи 21-уми ҲХДТ дар ноҳияи мазкур баргузор гардид.
Дар он узви Кумимтаи иҷроияи вилоятӣ ва ноҳиявии ҲХДТ, раиси ноҳия Одиназода Бозоралӣ Неъмат, раиси Кумитаи иҷроияи ҲХДТ дар вилояти Хатлон Раҳмонзода Абдулло, вакилон ва аъзои фаъоли намояндагии ТҶҶ “Созандагони Ватан” иштирок намуданд.
Ба муҳокимаи конференсия ҳисоботи Кумитаи иҷроия аз моҳи майи соли 2017 то моҳи ноябри 2019, ҳисоботи комиссияи тафтишотӣ (аз моҳи майи 2017 то моҳи ноябри 2019, интихоби ҳайати нави Кумитаи иҷроия, интихоби ҳайати нави комиссияи тафтишотӣ, интихоби вакилон ба Конференсияи 12- уми вилоятӣ баррасӣ гардида, Конференсияи ҳисоботӣ-интихоботӣ аз рӯи масъалаҳои пешниҳодшуда қарорҳои дахлдор қабул кард.
Зимни баромади худ Раҳмонзода Абдулло вазифаҳои сохторҳои ҳизбиро дар давраи интихоботи дарпешистодаи вакилони Маҷлиси намояндагони Маҷлиси Олии Ҷумҳурии Тоҷикистон равшану возеҳ муайян намуд. Дар охир ба фаъолон сипосномаи Кумитаи иҷроияи вилоятӣ тақдим карда шуд.
