БОХТАР. Дар доираи Соли баланд бардоштани маърифати шаҳрвандӣ. Дар ташкилоти ибтидоии ҳизбии “Ҳамрози халқ” маҷлиси аъзоёни ҳизб доир шуд ва дар он ҳисоботи раиси ташкилот, интихоби раис ва пешбарии вакил ба Конференсияи ҲХДТ дар шаҳри Бохтар баррасӣ шуданд.
Асадуллозода Ватан мудири шуъбаи кор бо ҷавонони КИ ҲХДТ дар шаҳри Бохтар зимни баромади худ таъкид дошт, ки 10 декабри соли 2019 аз таъсисёбии ҲХДТ 25 сол пур мешавад. Мо аъзоёни ҳизбро лозим аст, ки ин санаи фараҳбахшро бо дастоварҳои арзанда истиқбол гирем. -ҲХДТ дар давраи мавҷудияти худ барои рушду нумӯи Тоҷикистон саҳмгузорӣ намуда, барои баланд бардоштани маърифати хуқуқии сокинон мунтазам ҷорабиниҳои гуногунро роҳандозӣ мекунад. Дастгирии қишри ниёзмади ҷомеа, ғамхорӣ намудан ба шахсони яккаву танҳо аз самтҳои афзалиятноки барномаи ҲХДТ ба ҳисоб меравад, - таъкид дошт Ватан Асадуллозода.
