ДАНҒАРА. Дар бораи Соли баланд бардоштани масъулияти шаҳрвандӣ. Дар ташкилоти ибтидоии деҳаи “Булёни поён” - и Ҷамоати деҳоти ба номи Исмат Шарифи ноҳияи Данғара хониши сиёсӣ баргузор гардид.
Зимни чорабинӣ роҳбарияти Кумитаи иҷроияи ноҳиявии ҲХДТ оид ба самтҳои афзалиятноки фаъолияти ҳизбӣ, моҳияти муқаддасоти миллӣ дар тарбияи ватандӯстӣ ва худшиносии миллӣ, пешгирии шомилшавии ҷавонон ба ҳизбу ҳаракатҳои иртиҷоӣ ва тундгаро, пешгирии ҷудошавии оилаҳои ҷавон, ҳолатҳои худкӯшиву худсӯзӣ, ҳифзи саломатӣ ва беҳдошт, риояи талабот ва муқаррароти Қонунҳои Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон”, “Дар бораи масъулияти падару модар дар таълиму тарбияи фарзанд”, баланд бардоштани сатҳи таълим ва идораи сифати таҳсилот, ҷалби ҷавонону наврасон ба донишандӯзӣ ва касбу ҳунаромӯзӣ, омодагӣ ба чорабиниҳои пешазинтихоботӣ ва иштирок дар раванди интихобот суханронӣ намуданд.
