ЛЕВАКАНТ. Дар доираи Соли баланд бардоштани масъулияти шаҳрвандӣ. Дар доираи чорабиниҳои Кумитаи иҷроияи ҲХДТ дар шаҳри Левакант бахшида ба Соли баланд бардоштани масъулияти шаҳрвандӣ дар ташкилоти ибтидоии «Мактаби санъати бачагона» хониши сиёсӣ доир гардид.
Сараввал ҳисоботи 2,5 солаи раиси ташкилот, интихоби раиси ташкилот ва пешбарии вакилон ба Конференсияи 21-уми шаҳрӣ мавриди баррасӣ қарор дода шуданд.
Сипас, дар навбати худ намояндагони ҳизбӣ дар бораи нақши Пешвои миллат муҳтарам Эмомалӣ Раҳмон дар эъмори давлати демократӣ, пешрафту ободии Ватан ва Рӯзи Президенти Ҷумҳурии Тоҷикистон фикру андешаҳои хешро баён дошта, афзуданд, ки мо шаҳрвандонро лозим аст, ба қадри заҳмату меҳнати Роҳбари давлат расида,ҷавобан ба ин ғамхориҳо ба халқу Ватан хизмати содиқона намоем.
Дар охир доир ба самтҳои дигари афзалиятноки фаъолияти ҲХДТ андешаронӣ шуда, ба суолҳои иштирокдорон ҷавобҳои саҳеҳ гардонида шуд.
