КӮЛОБ. Дар доираи Соли баланд бардоштани масъулияти шаҳрвандӣ. Дар деҳаи Нуристони Ҷамоати деҳоти Зиракии шаҳри Кӯлоб масъулини Кумитаи иҷроияи ҲХДТ бо сокинон вохӯрӣ баргузор карданд.
Зимни суҳбат атрофи самтҳои афзалиятноки фаъолияти ҲХДТ ва баланд бардоштани масъулияти шаҳрвандӣ дар деҳот, инчунин омодагиҳо ба маъракаҳои муҳими сиёсӣ суҳбати самимӣ анҷом дода шуд.
Дар рафти суҳбат қайд гардид, ки интихоботи парлумоние, ки барои 5 соли минбаъда вакилони арзандаро дар мақоми қонунбарор интихоб менамоем, дар самтҳои гуногуни ҳаёти ҷомеа нақши муҳим дорад. Аз ин лиҳоз моро зарур аст, ки ҳамчун шаҳрванди комилҳуқуқ, ҳушёрии сиёсиро аз даст надода, масъулияти шаҳрвандиро ба ҷо оварда, дар ин маъракаи муҳим фаъолона иштирок намоем.
