ПАНҶ. Дар доираи Соли баланд бардоштани масъулияти шаҳрвандӣ. Дар ташкилоти ибтидоии “Чорсӯ»-и Ҷамоати деҳоти Меҳвари ноҳияи Панҷ бо иштироки масъулини Кумитаи иҷроияи ноҳиявии ҲХДТ мулоқот доир гардид.
Дар вохӯрӣ самтҳои афзалиятноки фаъолияти ҳизб мавриди баррасӣ карор гирифта, оид ба масъулиятшинос будан дар баргузории маъракаҳои муҳими сиёсии кишвар ибрози андеша карда шуд.
Инчунин, қайд гардид, ки ҳисси баланди миллӣ, худшиносиву худогоҳӣ, ватандӯстиву ватанпарастӣ ва садоқати мардуми шарафманди Ватан ба пешрафти давлат ва ободии имрӯзу фардои Тоҷикистони соҳибистиқлол мусоидат мекунад.
Дар охир ба вакилоне, ки ба Конференсияи 14-уми ноҳиявии ҲХДТ пешбарӣ гардиданд, ваколатномаҳо супорида шуданд.