Н.ХУСРАВ. Дар доираи Соли баланд бардоштани масъулияти шаҳрандӣ. Дар ташкилоти ибтидоии деҳаи “Ҳайдаробод”-и Ҷамоати деҳоти Наврӯзи ноҳияи Носири Хусрав маҷлиси ҳисоботӣ-интихоботӣ ва ҳамзамон хониши сиёсӣ оид ба самтҳои афзалиятноки фаъолияти ҳизб баргузор гардид.
Дар маҷлис вобаста ба фаъолияти ташкилоти ибтидоӣ дар давраи ҳисоботӣ раиси ташкилот маъруза намуда, аъзо раиси ташкилотро аз нав интихоб карданд.
Дар ин баробар вакил ба конференсияи навбатии ноҳиявӣ бо дастгирии аъзои ташкилоти ибтидоӣ пешбарӣ гардид.
Сипас, дар навбати худ намояндагони Кумитаи иҷроияи ноҳиявии ҲХДТ иброз доштанд, ки ҳар яки мо бояд Истиқлолияти давлатиро ҳамчун арзиши муқаддас пос дошта, барои таҳкими пояҳои давлатдории миллӣ бо тамоми масъулият саҳми арзанда гузорем.
