БОХТАР. Дар доираи Соли баланд бардоштани масъулияти шаҳрвандӣ. Дар ташкилоти ибтидоии “Тоҷикстандарт” маҷлиси ҳисоботӣ - интихоботӣ доир гардид.
Дар маҷлиси мазкур роҳбарияти Кумитаи иҷроия иштирок намуда, таъкид дошта, ки дар давраи ҳисоботӣ ташкилоти ибтидоӣ шумораи аъзои ҳизб аз ҳисоби ҷавонон зиёд гардида, утоқи ташкилоти ибтидоии ҳизбии “Тоҷикстандарт” пурра аз таъмир бароварда, шароити мусоид барои баргузории вохӯриву чорабиниҳои ҳизбӣ муҳайё карда шудааст.
Инчунин, дар идома қайд гардид, ки ташкилоти ибтидоӣ яке аз ташкилотҳои ибтидоии бонуфуз ва фаъол дар шаҳри Бохтар ба ҳисоб меравад. Умед бар он мекунем, ки аъзои ташкилоти ибтидоии мазкур дар оянда низ пешсафиро аз даст надода, баҳри баланд бардоштани нуфуз ва обрӯи ҳизб талош мекунанд.
