МУЪМИНОБОД. Дар доираи Соли баланд бардоштани масъулияти шаҳрвандӣ. Бо мақсади шарҳу тавзеҳи ҳадафҳои барномавии ҲХДТ дар ташкилоти ибтидоии деҳаи «Олимтой»-и Ҷамоати деҳоти Балхобии ноҳияи Муъминобод оид ба баррасии самтҳои афзалиятноки фаъолияти ҳизбӣ маҷлис баргузор гардид.
Дар вохӯрӣ масъулин атрофи дастовардҳои замони Истиқлолият, арзиши ваҳдати миллӣ, баланд бардоштани масъулияти шаҳрвандӣ, Даҳсолаи байналмилалии амал «Об барои рушди устувор, 2018-2028», сохтмони мактабҳои замонавӣ бо дастгирии соҳибкорони муваффақ ҷиҳати истиқболи сазовори 30-солагии Истиқлолияти давлатӣ, татбиқи самараноки барномаҳои созандагии рушди маҳал ва деҳот суханронӣ намуда, ҳамагонро ба созандагиву бунёдкорӣ даъват карданд.
