БОХТАР. Ба истиқболи сазовори ҷашни 30-солагии Истиқлолияти давлатӣ. Раиси Кумитаи иҷроияи ҲХДТ дар вилояти Хатлон Раҳмонзода Абдулло Қурбоналӣ ва мудири шуъбаи таблиғот ва таҳлилии КИМ ҲХДТ Маҳмадулло Наимов аз рафти сохтмони бинои муъмурии Кумитаи иҷроияи ҲХДТ дар шаҳри Бохтар дидан намуданд. Дар рафти боздид масъулин бо тарҳи лоиҳаи бино ва рафти корҳои сохтмонӣ шинос шуда, ба рафти корҳои сохтмони баҳои баланд доданд.
Бояд қайд намуд, ки бинои маъмурии ҳизбӣ дар шаҳри Бохтар дар яке мавзеъҳои зебои маркази вилоят иборат аз се ошёна сохта шуда истодааст ва дар назар аст, ки дар нимаи аввали соли 2020 ба истифода дода мешавад. Дар корҳои сохтмонӣ аз масолеҳи хушсифати ватанӣ истифода гардида, якчанд нафар сокинони маҳаллӣ бо ҷои кор таъмин карда шуданд.
Зимни сухбат бо сохтмончиён Раҳмонзода Абдулло барои сифатнок анҷом додани корҳои сохтмонӣ ва дар муҳлати муайяншуда ба истифода додани бинои мазкур тавсияҳои судманд доданд.
