ЁВОН. Дар доираи Соли баланд бардоштани масъулияти шаҳрвандӣ. Дар ташкилоти ибтидоии “Заркамар”-и ноҳияи Ёвон вохӯрӣ баргузор гашта дар он атрофи самтҳои афзалиятноки фаъолияти ҲХДТ суҳбат доир шуд. Дар ин баробар маҷлиси ҳисоботӣ-интихоботӣ низ баргузор гардид.
Дар вохӯрӣ аз ҷониби намояндагони ҳизбӣ дар самти алоқаи аҳли ҷомеа бо мактаб, назорати дурусти фарзандон, тарғиби китобхонӣ, риояи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», сиёсати инсонпарваронаи Пешвои миллат муҳтарам Эмомалӣ Раҳмон дар масъалаи татбиқи Қонуни Ҷумҳурии Тоҷикистон дар бораи авф”, пешгирии шомилшавии ҷавонон аз ҳизбу ҳаракатҳои террористиву экстремистӣ, риояи фарҳанги миллӣ, пешгирии ҷудошавии оилаҳои ҷавон суҳбати судманд доир гардид.
