ВАХШ. Дар доираи Соли баланд бардоштани масъулияти шаҳрвандӣ. Дар ташкилоти ибтидоии «Октябр»-и Ҷамоати шаҳраки Кирови ноҳияи Вахш бо иштироки намояндагони Кумитаи иҷроияи ноҳиявии ҲХДТ хониши сиёсӣ баргузор гардид ва дар он самтҳои афзалиятноки фаъолияти ҲХДТ баррасӣ шуданд.Аз ҷумла ба мавзӯъҳои сарфаю сариштакорона истифода намудани нерӯи барқ, хатари терроризму экстремизм, роҳҳои аз байн бурдани таассуби динӣ ва хурофотпарастӣ иштирокдорон таваҷуҳи хоса зоҳир намуданд. Қайд шуд, ки сабаби асосии гаравидани ҷавонон ба ҳизбу ҳаракатҳои тундгаро бетаваҷҷуҳии падару модарон дар таълиму тарбияи фарзанд мебошад. Онҳое ки дониши кофӣ надоранд ба ин гурӯҳҳои хунхор ҳамроҳ мешаванд ва дар натиҷа ба онҳо давлату миллат, Ватан, падару модар ва дигар арзишҳои муқаддас қадру қимате надоранд.
