МӮЪМИНОБОД. Дар доираи Соли баланд бардоштани масъулияти шаҳрвандӣ. Бо мақсади татбиқи ҳадафҳои созандаи ҲХДТ дар ташкилоти ибтидоии «Момираки» Ҷамоати деҳоти Балхобии ноҳияи Муъминобод хониши сиёсӣ доир гардид.
Дар вохӯрӣ намояндагони Кумитаи иҷроияи ноҳиявии ҲХДТ иштирок дошта, оид ба самтҳои афзалиятноки фаъолияти ҳизб, махсусан ҷалби ҷавонон ба хизмати Ватан- Модар, пешгирӣ аз бегонапарастӣ, хатарҳои терроризму экстремизм, суханронӣ намуданд. Иброз доштанд, ки хизмати ҳарбӣ барои ҷавонон ҳам қарзи фарзандӣ ва ҳам қарзи виҷдонӣ мебошад. Имрӯзҳо таҳти сиёсати хирадмандонаи Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон дар қисмҳои низомӣ шароити хуби хизмат фароҳам оварда шудаст.
