КӮЛОБ. Дар доираи соли баланд бардоштани масъулияти шаҳрвандӣ. Дар ташкилоти ибтидоии «Хонаобод»-и шаҳри Кӯлоб маҷлиси ҳисоботӣ – интихоботӣ ва хониши сиёсӣ доир гардид.
Дар вохӯрӣ самтҳои афзалиятноки фаъолияти ҳизб, аз ҷумла ба дарки ҷомеа расонидани моҳияти хизмат дар сафи Артиши миллӣ ҳамчун мактаби ҷасорату мардонагӣ ва омили асосии нигоҳ доштани сулҳу субот, Ваҳдату якпорчагии кишвар мавриди баррасӣ қарор гирифтанд.
Сокинон моҳияти хизмат дар сафи Қувваҳои мусаллаҳро хуб дарк карда, роҷеъ ба масъалаи мазкур фикру андешаҳои хешро баён доштанд.
Масъулин таъкид карданд, ки ҳифзи арзишҳои миллӣ ва дӯст доштани Ватан қарзи натанҳо шаҳрвандӣ, балки фарзандию ҷонии ҳар яки мо буда, месазад бо амалҳои созанда содиқ будани худро дар назди давлату миллат собит намоем.
