ЁВОН. Дар доираи Соли баланд бардоштани масъулияти шаҳрвандӣ. Дар ташкилоти ибтидоии ҳизбии «Гули бодом»-и Ҷамоати деҳоти Ҳасан Ҳусейнов-и ноҳияи Ёвон маҷлиси ҳисоботӣ-интихоботӣ баргузор гардида, дар он ҳисоботи раиси ташкилоти ибтидоӣ, интихоби раис ва пешбарии вакилон ба Конференсияи 14-уми Кумитаи иҷроияи ҲХДТ дар ноҳияи мазкур баррасӣ гардиданд.
Дар қисмати дуюми ҷаласа намояндагони ҳизбӣ доир ба самтҳои афзалиятноки фаъолияти ҲХДТ баромад намуда, авфи 20 ҳазор маҳбусро дар арафаи ҷашни 25-солагии Конститутсияи Ҷумҳурии Тоҷикистон аз хислатҳои беҳтарин инсонпарварона ва башардӯстонаи Пешвои миллат муҳтарам Эмомалӣ Раҳмон донистанд.
