КӮШОНИЁН. Дар доираи Соли баланд бардоштани масъулияти шаҳрвандӣ. Ҷиҳати амалӣ намудани ҳадафҳои барномавии ҲХДТ намояндагони Кумитаи иҷроияи ҲХДТ дар ноҳияи Кӯшониён тадбирҳои мушаххас андешида, ҳамарӯза вохӯриву мулоқотҳои судмандро дар ташкилотҳои ибтидоӣ баргузор намуда истодаанд.
Дар суҳбату вохӯриҳо аъзо ва ҷонибдорони ҲХДТ фаъолона иштирок намуда, аз самтҳои афзалиятноки фаъолияти ҳизб ва масъалаҳои рӯзмарра бархӯрдор мегарданд.
Мулоқоти навбатӣ дар ташкилоти ибтидоии “Меҳвар”–и Ҷамоати деҳоти Меҳнатободи ноҳия судманд доир гардид. Аз суханрониҳои пурмуҳтаво иштирокчиён таассуроти хуб бардошта, тасмим гирифтанд, ки дар фаъолияти ҳизбӣ самтҳои афзалиятнокро дар амал татбиқ менамоянд.
