ДӮСТӢ. Дар доираи Соли баланд бардоштани масъулияти шаҳрвандӣ. Маҷлиси ҳисоботӣ- интихоботии ташкилоти ибтидоии “Ҷиликул”-и ноҳияи Дӯстӣ баргузор шуд. Дар маҷлис фаъолияти 2,5-солаи ташкилот натиҷагирӣ шуда, вакил ба конференсияи ноҳиявӣ пешбарӣ гардид.
Ҳамзамон дар ин раванд хониши сиёсӣ роҳандозӣ шуда, масъулон дар бораи дастуру супоришҳои Роҳбарияти олии ҲХДТ, самтҳои афзалиятноки фаъолияти ҲХДТ суханронӣ карданд.
Дар охир таъкид гардид, ки баҳри дар сатҳи баланд гузаронидани маъракаи сиёсии дарпешистода омодагиҳои ҷиддӣ бинем ва барои шаффофу демократӣ гузаштани он фаъолона иштирок карда, дар амалигардии ҳадафҳои барномавии ҲХДТ саҳмгузор бошем.
