А.ҶОМӢ. Дар доираи Соли баланд бардоштани масъулияти шаҳрвандӣ. Бо иштироки раиси Кумитаи иҷроияи ҲХДТ дар ноҳияи Абдураҳмони Ҷомӣ дар сехи дӯзандагие, ки бо дастгирии узви фаъоли ҲХДТ Муқаддас Султонова бунёд шудаву зиёда аз 30 нафар гулдухтарони маҳалли соҳиби ҷои гардидаанд, вохӯрӣ анҷом дода шуд.
Дар баромади хеш мавсуф дар бораи эълон гардидани солҳои 2019-2021 Солҳои рушди деҳот сайёҳӣ ва ҳунарҳои мардумӣ суханронӣ карда, гуфт, ки бо пешниҳоди ин иқдоми Пешвои миллат муҳтарам Эмомалӣ Раҳмон сокинони кишвар рӯ ба созандагиву бунёдкорӣ ниҳоданд.
Баъдан иштирокдорон ба ҳунару маҳорати бонувони чирадаст шинос шуда, барои сайқал додани анъанаҳои неки ниёгон, ҷалби ҷавондухтарону занони хонашин ба касбу ҳунарҳои мардумӣ тавсияҳо доданд.
