ТЕМУРМАЛИК. Дар доираи Соли баланд бардоштани масъулияти шаҳрвандӣ. Мулоқоти навбатии кормандони Кумитаи иҷроияи ҲХДТ дар ноҳияи Темурмалик бо ҳизбиёни ташкилоти ибтидоии “Якатут” баргузор гардид.
Раиси Кумитаи иҷроия оид ба самтҳои афзалиятноки фаъолияти ҳизбӣ, дар бораи рӯйдоди муҳиму тақдирсоз - ба истифода додани агрегати дуюми НБО Роғун суханронӣ намуда, аз чумла иброз дошт, ки мардуми сарбаланди тоҷик таҳти сиёсати пешгирифтаи Роҳбари давлат рӯз то рӯз ба комёбиву пешравиҳо ноил гашта истодаанд ва ин барои мо шаҳрвандон бахти баланд аст. Моро зарур аст ҷавобан ба ин ғамхориҳо бо амалҳои созанда ба халқу Ватан хизмати содиқона намуда, ватандӯст будани худро собит созем.
Дар идомаи маҷлис раиси ташкилоти ибтидоӣ ва вакили конференсияи ҳизбӣ интихоб ва пешбарӣ гардиданд.
Дар қисмати Аксияи ҳизбии “Якҷоя ҳал мекунем!” бо дастгирии сокинон барои таъмири ҳавз ва қубурҳои об лавозимоти сохтмонӣ харидорӣ карда шуд.
