БОХТАР. Дар доираи Соли баланд бардоштани масъулияти шаҳрвандӣ. “Дар мубориза бо терроризму экстремизм, пешгирии амалҳои коррупсионӣ, пешгирии паҳншавии бемориҳои сироятӣ, махсусан, ВНМО, пешгирии гаравиши ҷавонон ба ҳизбу ҳаракатҳои ифротӣ ва дигар зуҳуроти номатлуби ҷомеа ҳар яки мо бояд бетараф набошем”- иброз шуд дар вохӯрие, ки дар ташкилоти ибтидоии “Молияи вилоят” баргузор гардид. Дар ин баробар дигар самтҳои афзалиятноки фаъолияти ҳизбӣ низ аз ҷониби масъулони Кумитаи иҷроияи ҲХДТ баррасӣ шуданд.
Инчунин, ҳисоботи раиси ташкилоти ибтидоии ҳизбӣ дар бораи натиҷаи фаъолият дар тӯли 2,5 сол, интихоби раиси ташкилот ва пешбарии вакилон ба Конференсияи шаҳрии ҲХДТ баррасӣ гардида, қарорҳои дахлдор қабул шуданд.
