БОХТАР. Дар доираи Соли баланд бардоштани масъулияти шаҳрвандӣ. Дар ташкилоти ибтидоии “Баҳодур С” оид ба баррасии самтҳои афзалиятноки фаъолияти ҳизбӣ мулоқот доир шуд. Дар он раиси Кумитаи иҷроияи ҲХДТ дар шаҳри Бохтар иштирок намуда, таъкид кард, ки барои амалӣ гардонидани Қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон” тамоми шаҳрвандони кишвар муваззаф мебошанд.
Иброз дошт, ки Қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон” аз қонунҳои миллии мо буда, бо дарназардошти арзишҳои миллӣ, фарҳангӣ ва динӣ таҳия ва қабул шудааст. Аз ин лиҳоз ҳамаи мову Шумо вазифадорем, ки аз меъёрҳои он огоҳ бошему бандҳои онро бечуну чаро иҷро намоем.
