КӮЛОБ. Дар доираи соли баланд бардоштани масъулияти шаҳрвандӣ.
Дар толори Кумитаи иҷрияи ҲХДТ дар шаҳри Кӯлоб бо иштироки аъзои ТҶҶ “Созандагони Ватан” маҷлис оид ба самтҳои афзалиятноки фаъолияти ҳизбӣ баргузор карда шуд.
Зимни мулоқот масъулини Кумитаи иҷроия баромад намуда, қайд карданд, ки ҲХДТ якҷоя бо ТҶҶ «Созандагони Ватан» кӯшиш ба харҷ медиҳанд, ки насли ҷавон дар рӯҳияи баланди ватандӯстӣ, ифтихори миллӣ тарбия ёфта соҳиби донишҳои муосир бошанд. Дар ин баробар ба хотири ояндаи устувору пояндаи ҷомеа тамоми неруи худро равона сохта, пайваста тавассути суҳбату мулоқот ва чорабиниҳои гуногуни сиёсиву фарҳангӣ иқдом менамоянд.
Дигар иштирокчиён низ дар навбати худ баромад намуда, иброз доштанд, ки зери сиёсати хирадмандонаи Сарвари давлат сарҷамъ шуда, кӯшиш мекунанд бо ташаббусҳои неку созанда Тоҷикистонро ба ҷаҳониён муаррифӣ намоянд.
