ХОВАЛИНГ. Дар доираи Соли баланд бардоштани масъулияти шаҳрвандӣ. Дар ташкилоти ибтидоии “Беморхонаи марказӣ”-и ноҳияи Ховалинг бо иштироки намояндагони Кумитаи иҷроияи ноҳиявии ҲХДТ маҷлиси ҳисоботӣ – интихоботӣ гузаронида шуд.
Дар маҷлис роҳбари ташкилоти ибтидоӣ атрофи фаъолият аз моҳи майи соли 2017 то моҳи октябри соли 2019 ҳисобот дод ва аз рӯи ин масъалаи рӯзнома қарори дахлдор қабул карда шуд.
Сипас, атрофи самтҳои афзалиятноки фаъолияти ҲХДТ суҳбат доир шуда, иштирокдорон бештар дар бораи роҳҳои пешгирии бемориҳои сироятӣ, аз ҷумла ВНМО сухан ронданд.
Дар доираи Аксияи ҳизбии “Якҷоя ҳал мекунем!” аз ҷониби ташкилоти ибтидоӣ ба оилаи ниёзманд Шаҳлои Шодӣ кӯмаки яквақтаи молиявӣ расонида шуд.