ДАНҒАРА. Дар доираи Соли баланд бардоштани масъулияти шаҳрвандӣ. Кумитаи иҷроияи ҲХДТ дар ноҳияи Данғара ва намояндагии ТҶҶ “Созандагони Ватан” атрофи самтҳои афзалиятноки фаъолияти ҳизбӣ ва дигар мавзӯъҳои рӯзмарра дар ташкилоти ибтидоии деҳаи “Туябуюн”-и Ҷамоати деҳоти Корез хониши сиёсӣ баргузор карданд.
Роҳбарияти Кумитаи иҷроия оид ба баланд бардоштани маърифати ҳуқуқии шаҳрвандон, муқаррароти Қонунҳои Ҷумҳурии Тоҷикистон “Дар бораи масъулияти падару модар дар таълиму тарбияи фарзанд”, “Дар бораи танзими анъана ва ҷашну маросим дар Ҷумҳурии Тоҷикистон”, пешгирии ҷудошавии оилаҳои ҷавон баромад намуданд.
Баромадкунандагон иброз доштанд, ки ҳифзи Истиқлолияти давлатӣ ва якпорчагии Тоҷикистон, дар ин замина моҳиятан дарк намудани мафҳуми садоқат ба Ватан ва ҳифзи дастовардҳои замони соҳибистиқлолии мамлакат бояд дар замири ҳар нафар ҷойгоҳи махсуси худро дошта бошад,
