Ҷ.БАЛХӢ. Дар доираи Соли баланд бардоштани масъулияти шаҳрвандӣ. Дар ташкилоти ибтидоии “Почта-телеком”-и ноҳияи Ҷалолиддини Балхӣ хониши сиёсӣ бо иштироки кормандони масъули Кумитаи иҷроияи ноҳиявии ҲХДТ гузаронида шуд.
Масъулин оид ба раванди корҳои созандагию бунёдкорӣ ба муносибати сазовор пешвоз гирифтни ҷашни 30- солагии Истиқлолияти давлатӣ сухан гуфта, таъкид доштанд, ки дар шароити ҷаҳони пурҳаводиси муосир бисёр муҳим аст, ки ҷавонони мо мисли солҳои навадуми асри гузашта фирефтаи гурӯҳҳои ифротӣ, бадхоҳони миллати тоҷик ва давлати тоҷикон нагарданду ҳамеша зираку ҳушёр ва барои ҳимояи манфиатҳои халқу давлат омода бошанд. Баланд бардоштани сатҳи маърифати ҳуқуқии аҳолӣ омили асосии эъмори давлати ҳуқуқбунёд, ҷомеаи шаҳрвандӣ ва таъмини волоияти қонун мебошад.
