БОХТАР. Дар доираи Соли баланд бардоштани масъулияти шаҳрвандӣ. Дар маҳаллаи Мирзо Турсунзода-и шаҳри Бохтар бо истиқоматкунандагон оид ба самтҳои афзалиятноки фаъолияти ҲХДТ вохӯрӣ баргузор гардид.
Дар он масъулин вобаста ба вазъи сиёсии кишвар, дастовардҳои Истиқлолияти давлатӣ ва самтҳои афзалиятноки фаъолияти ҲХДТ андешаронӣ карда, қайд карданд, ки Тоҷикистони азизи мо рӯз то рӯз бо қадамҳои устувор ба ба пешравиҳои назаррас ноил гашта истодааст, ки ин ҳама аз заҳмату талошҳои шабонарӯзии Пешвои миллат муҳтарам Эмомалӣ Раҳмон шаҳодат медиҳад. Аз ин лиҳоз мо шаҳрвандонро зарураст, зери сиёсати пешгирифтаи Роҳбари давлат камари ҳиммат баста, барои боз ҳам ободтар гардидани меҳан саҳмгузор бошем.
