ЛЕВАКАНТ. Дар доираи Соли баланд бардоштани масъулияти шаҳрвандӣ. Бо мақсади тарғиби ҳадафҳои созандаи ҲХДТ дар ташкилоти ибтидоии «Баҳористон» Аксияи ҳизбии «Якҷоя ҳал мекунем!» баргузор гардид, ки дар ҷараёни он аъзо ва ҷонибдорони ҲХДТ дар корҳои ободониву созандагӣ саҳми арзандаи хешро гузоштанд.
Сипас, намояндагони ҳизб зимни суҳбат қайд намуданд, ки ҳадаф аз доир намудани ин гуна чорабиниҳо асосан баланд бардоштани масъулиятии шаҳрвандии аҳолӣ, ҷалби ҳарчӣ бештари онҳо дар пешбурди корҳои ободониву созандагӣ ва истиқболи шоиста аз 30 – солагии Истиқлолияти давлатӣ буда, барои ба ин мақсади наҷибона расидан масъулиятшиносӣ ва иштироки бевоситаи ҳар фарди солимфикри ҷомеа лозим меояд.
