Ҷ.БАЛХӢ. Дар доираи Соли баланд бардоштани масъулияти шаҳрвандӣ. Дар ташкилоти ибтидоии “Чорсӯ”-и Ҷамоати деҳоти Узуни ноҳияи Ҷалолиддини Балхӣ хониши сиёсӣ бо иштироки намояндагони ҳизбӣ баргузор гардид.
Масъулин дар суҳбат атрофи сиёсати хирадмандонаи Пешвои миллат, Президенти кишвар муҳтарам Эмомалӣ Раҳмон ва сазовор пешвоз гирифтани ҷашни 30-солагии Истиқлолияти давлатӣ сухан ронда, иброз доштанд, ки бо дарназардошти зарурати инкишофи инфрасохтори деҳот солҳои 2019-2021 “Солҳои рушди деҳот, сайёҳӣ ва ҳунарҳои мардумӣ” эълон гардидааст. Дар раванди созандагиву бунёдкории Ватан ҳар як шаҳрванди бонангу номус бояд саҳмгузор бошад.
Дар доираи Аксияи ҳизбӣ таҳти унвони «Якҷоя ҳал мекунем!» аз ҷониби соҳибкори маҳаллӣ сохтмони майдончаи варзишӣ бо маром идома дорад.
