А.ҶОМӢ. Дар доираи Соли баланд бардоштани масъулияти шаҳрвандӣ. Бо иштироки фаъолони ташкилотҳои ибтидоии ҳудуди Ҷамоати деҳоти Калинини ноҳияи Абдураҳмони Ҷомӣ оид ба баррасии самтҳои афзалиятноки фаъолияти ҲХДТ хониши сиёсӣ баргузор гардид.
Дар рафти баргузории мулоқот саҳмгузорӣ дар тарбияи наврасону ҷавонон ҷиҳати баланд бардоштани ҳисси ватандӯстӣ ва худшиносии миллӣ, гирифтани пеши роҳи шомилшавии онҳо ба ҳизбу ҳаракатҳои ифротӣ, баланд бардоштани дараҷаи ҳушёриву зиракии сиёсӣ, арҷгузори ба фарҳанги миллӣ, риояи талаботи Қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва «Дар бораи танзими анъана ва ҷашну маросим дар Ҷумҳурии Тоҷикистон» ба мардум фаҳмонидани барнома ва ҳадафҳои бунёдкорона ва дастовардҳои ҳизб, омодагиҳо баҳри дар сатҳи баланди ташкилӣ баргузор намудани 30- солагии Истиқлолияти давлатӣ мавриди баррасӣ қарор дода шуданд.
