ХУРОСОН. Дар доираи Соли баланд бардоштани масъулияти шаҳрвандӣ. Дар ташкилоти ибтидоии «Неъматулло Асадулло»-и Ҷамоати деҳоти ба номи Садриддин Айнии ноҳияи Хуросон вобаста ба самтҳои афзалиятноки фаъолияти ҲХДТ вохӯрӣ доир гардид.
Намояндагони ҳизбӣ дар суҳбат дар бораи дастовардҳои Истиқлолияти давлатӣ, нақши Эмомалӣ Раҳмон дар татбиқи ғояҳои миллӣ дар мисоли бунёди НБО-и Роғун андешаронӣ карда, иброз доштанд, ки миллати тоҷик ниҳоят соҳиби Қаҳрамони воқеӣ дар шахсияти Пешвои миллат муҳтарам Эмомалӣ Раҳмон гардид, ки аз баракати сухани равшану қалби саршор аз ғурури миллию нангу номуси ватандорияш ба тадриҷ Тоҷикистон ба яке аз кишварҳои биҳиштосо, тинҷу амн ва кишвари тавлидкунандаи нур дар дунё маъруф гашт.
Дар охир зикр шуд, ки барои истиқболи сазовори ҷашни муқаддасу миллиамон 30-солагии Истиқлолияти давлатӣ ҳамагон бояд сарҷамъона дар корҳои ободониву созандагӣ бо фаъолмандӣ иштирок намоем.
