ХУРОСОН. Дар доираи Соли баланд бардоштани масъулияти шаҳрвандӣ. Дар ташкилоти ибтидоии «Хуросон»-и Ҷамоати деҳоти ба номи Садриддин Айнии ноҳияи Хуросон атрофи самтҳои афзалиятноки фаъолияти ҲХДТ вохӯрӣ доир гардид.
Дар суҳбат масъулин дар бораи баланд бардоштани сатҳи огоҳии мардум дар мавриди хатари терроризму экстремизм бо мақсади пешгирӣ аз ҷалби шаҳрвандон ба ташкилотҳои экстремистиву террористӣ андешаронӣ карда, иброз доштанд, ки мутаассифона, терроризму эекстремизм дар замон мо хусустияти ҷаҳонӣ касб карда, мақсаду маром, ғояву андеша, афкор ва нақшаҳои худро бо ҳар роҳу восита бо усулҳои ғайриинсонӣ ба амал оварда, кишварҳои ободу пешрафтаро ба харобазор табдил медиҳанд.
Ҳамзамон дар ин раванд самтҳои сиёсати дохиливу хориҷии кишвар, самтҳои афзалиятноки фаъолияти ҲХДТ ба дарки ҷомеа расонида шуда, иштирокдорон барои татбиқи ғояҳои созандаи ҲХДТ ҳидоят гардиданд.
