ХОВАЛИНГ. Дар доираи Соли баланд бардоштани масъулияти шаҳрвандӣ. Дар ташкилоти ибтидоии “Даҳани шол” бо иштироки намояндаи ҳизбӣ оид ба фаҳмонидани самтҳои афзалиятноки фаъолияти ҲХДТ хониши сиёсӣ гузаронида шуд.
Дар рафти хониши сиёсӣ масъулин дар бораи самтҳои афзалиятноки фаъолияти ҲХДТ ба ҳозирин маълумоти муфассал дода, аз ҳар яки онҳо ҷиҳати дар амал татбиқ намудани ҳадафҳои созандаи ҲХДТ даъват ба амал оварданд.
Сипас, дар асоси талаботи Аксияи ҳизбии “Якҷоя ҳал мекунем!” аз ҷониби узви фаъоли ҲХДТ, шахси саховатпеша Аюб Ҳайдаров ба хонандагони ниёзманди муассисаи таҳсилоти миёнаи умумии № 9 ашёи хониш кӯмак расонида шуд.
