ТЕМУРМАЛИК. Дар доираи Соли баланд бардоштани масъулияти шаҳрвандӣ. Хониши сиёсии кормандони Кумитаи иҷроияи ҲХДТ дар ноҳияи Темурмалик дар ташкилоти ибтидоии Ҷамоати деҳоти “Қарақамиш” баргузор гардид.
Нахуст роҳбарияти Кумитаи иҷроия дар бораи самтҳои афзалиятноки фаъолияти ҳизбӣ, дар таърихи давлатдории Тоҷикистони соҳибистиқлол рӯйдоди муҳиму тақдирсоз – ба истифода додани агрегати дуюми НБО Роғун суханронӣ намуда, иброз доштанд, ки ҳама талошу заҳматҳои Роҳбари давлат баҳри таъмини зиндагии босуботи ҷомеа ва пешрафту шукуфоии Ватан мебошад. Мо шаҳрвандони ватандӯстро лозим аст, дар паҳлуи Пешвои миллат устувор истода, ҷавобан ба ин ҳама ғамхорӣ бо амалҳои созанда дар рушду нумӯи Ватан ҳиссагузорӣ кунем.
