НОРАК. Дар доираи Соли баланд бардоштани масъулияти шаҳрвандӣ. Дар ташкилоти ибтдоии «Хучалонӣ» Аксияи ҳизбӣ таҳти унвони “Якҷоя ҳал мекунем!” ва хониши сиёсӣ оид ба самтҳои афзалиятноки фаъолияти ҲХДТ доир гардид.
Аксияи ҳизбӣ аз ҷониби узви фаъоли ҳизб, соҳибкори муваффақ Аҳлиддин Сангов дастгирӣ ёфта, барои сохтмони майдончаи варзишӣ дар деҳаи Хучалонӣ кӯмак расонида шуд.
Масъулини ҳизб дар суҳбат атрофи пешгирӣ аз шомилшавии ҷавонон ба ҳар ҳизбу ҳаракатҳои ифротӣ, риояи талаботи қонунҳои амалакунандаи Ҷумҳурии Тоҷикистон, пешгирӣ аз бемориҳои сироятӣ сухан гуфта, қайд намуданд, ки вақтҳои охир мову шумо шоҳиди зуҳуроти манфии иҷтимоӣ, аз қабили ифротгароии ҷавонон мешавем. Ин тамоюл бешак мардуми ватандӯст, бахусус қишрҳои солимфикру пешоҳанги ҷомеаро бетараф гузошта наметавонад ва он ҳалли дурусту оқилонаю саривақтиро тақозо дорад.
