ХУРОСОН.Дар доираи Соли баланд бардоштани масъулияти шаҳрвандӣ.
Дар доираи ҷадвали баргузории хонишҳои сиёсӣ бо иштироки масъулини ҳизб дар ташкилоти ибтидоии «Шӯрбулоқ»-и ҷамоати деҳоти ба номи Садриддин Айнии ноҳияи Хуросон вохӯрӣ баргузор гардид, ки дар он самтҳои афзалиятноки фаъолияти ҲХДТ мавриди баррасӣ қарор гирифтанд.
Инчунин, дар суҳбат масъулин вобаста ба эълон гардидани солҳои 2019-2021 ҳамчун Солҳои рушди деҳот, сайёҳӣ ва ҳунарҳои мардумӣ, дастовардҳои бузурги Истиқлолияти давлатӣ, ба кор даромадани чархаи дуюми НБО-и Роғун ва дигар масъалаҳои мубрами рӯз ибрози андеша намуданд.
Дар қисмати амалии Аксияи ҳизбии “Якҷоя ҳал мекунем!” 1 нафар маъюб аёдат карда шуда, ба ӯ аз ҷониби ташкилоти ибтидоии мазкур кумаки яквақтаина расонида шуд.
