А.ҶОМӢ. Дар доираи Соли баланд бардо штани масъулияти шаҳрвандӣ. Ҷумҳурии Тоҷикистон бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад.
Баъди баргузории хониши сиёсӣ дар ташкилоти ибтидоии «Хуррамшаҳр»-и ҳудуди ҷамоати деҳоти Калинини ноҳияи Абдураҳмони Ҷомӣ, роҳбарияти Кумитаи иҷроияи ноҳиявии ҳизб бо иштироки фаъолонаи аъзои ҲХДТ аз ташкилотҳои ибтидоӣ барои расонидани кумак баҳри саривақтӣ чида супоридани «тиллои сафед» дар хоҷагии деҳқонии «Абдуҷаббор» саҳми арзанда гузоштанд. Чунин иқдоми нек дар оянда низ идома дошта, онҳо ният доранд, охирин кӯраки дар саҳро бударо чида, ба хирмани давлат супоранд.
