ХОВАЛИНГ. Дар доираи Соли баланд бардоштани масъулияти шаҳрвандӣ. Дар баробари шарҳу тавзеҳи самтҳои афзалиятноки фаъолияти ҲХДТ ба яке аз ҳадафҳои асосӣ ва стратегии давлат - расидан ба истиқлолияти энергетикӣ таваҷҷуҳи хоса зоҳир карда шуд.
Намояндагони ҳизбӣ дар бораи душвориҳои бебарқӣ дар ибтидои ноил шудан ба Истиқлолияти давлатӣ, кӯшишҳои Раиси муаззами ҲХДТ муҳтарам Эмомалӣ Раҳмон дар роҳи расидан ба истиқлолияти энергетикӣ, бунёди силсила нерӯгоҳҳо дар дарёи Вахш ба таври муфассал маълумот доданд.
Инчунин, дар идомаи суҳбат чанде аз аъзои ташкилоти ибтидоии мазкур баромад намуда, сиёсати дохилӣ ва хориҷии Пешвои миллат муҳтарам Эмомалӣ Раҳмон ва Ҳукумати Ҷумҳурии Тоҷикистонро якдилона дастгирӣ намуданд.
