ЁВОН. Дар доираи Соли баланд бардоштани масъулияти шаҳрвандӣ. Чанде қабл бо мақсади бурдани корҳои фаҳмондадиҳӣ, ободу зебо намудани деҳаи худ, саҳм гузоштан дар пешрафти Тоҷикистони азиз дар ташкилоти ибтидоии “Дӯстӣ 1”-и деҳаи Қирғизободи Ҷамоати деҳоти Обшорон бо иштироки мардуми деҳа, хосса занону бонувон вохӯрӣ баргузор карда шуд.
Ҳамзамон, дар вохӯрӣ аз ҷониби намояндагони ҳизбӣ доир ба самтҳои афзалиятноки фаъолияти ҲХДТ, эълон гардидани солҳои 2019-2021 «Солҳои рушди деҳот,сайёҳӣ ва ҳунарҳои мардумӣ», истиқболи сазовор аз ҷашни 30- солагии Истиқлолияти давлатӣ, пешгирии ҷудошавии оилаҳои ҷавон, ба роҳи дуруст тарбия намудани фарзандон, пешгирии паҳншавии бемориҳои сироятӣ андешаронӣ карда шуда, аз ҷамъомадагон баҳри боз ҳам ободу зебо шудани Тоҷикистони маҳбуб барои саҳм гузоштан дар корҳои созандагӣ даъват ба амал оварда шуд.
